لاہور۔4اپریل (اے پی پی):آئی سی سی ویمنز کرکٹ ورلڈ کپ کوالیفائر میں پاکستان ویمنز کرکٹ ٹیم کی شاندار کارکردگی۔ پہلے وارم اپ میچ میں تھائی لینڈ کو 7 وکٹوں سے شکست دے دی۔ پاکستان نے5 ۔18 اوورز میں 79 رنز بنا کر میچ جیت لیا ۔پاکستانی اوپننگ جوڑی گل فیروزہ نے 28 رنز جبکہ شوال ذوالفقار نے 16 رنز بنائے ۔ عالیہ ریاض اور سدرہ امین نے 14 ۔ 14 رنز بنائے اور ناٹ آوٹ رہیں، جبکہ منیبہ علی ایک رنز بنا سکیں۔
قبل ازیں تھائی لینڈ کی پوری ٹیم 28.2 اوورز میں 78 رنز بنا کر آوٹ ہوئی۔پاکستان کی نشرہ سندھو نے 11 رنز دے کر 4 کھلاڑیوں کو آئوٹ کیا۔ڈیانا بیگ نے 11 رنز دے کر 2 اور رامین شمیم نے 5 رنز دے کر 2 کھلاڑیوں کو آئوٹ کیا۔سعدیہ اقبال اور فاطمہ ثنا نے ایک ایک وکٹ حاصل کی ۔تھائی لینڈ کی بیٹر پھنیٹہ مایا26 رنز بنا کر ٹاپ سکورر رہیں۔
Short Link: https://urdu.app.com.pk/urdu/?p=578497
