تل ابیب۔21نومبر (اے پی پی):غزہ میں اسرائیلی جارحیت پر جنوبی افریقہ کی جانب سےاسرائیلی سفارتخانے کو بند کرنے کی حمایت سے متعلق بیان کے بعد اسرائیل نے مشاورت کے لیے اپنا سفیر جنوبی افریقہ سے واپس بلا لیا۔
برطانوی خبر رساں اداررے رائٹرز کے مطابق جنوبی افریقہ کی حکمران جماعت افریقن نیشنل کانگریس (اے این سی) نے جمعرات کو بیان میں کہا تھا کہ وہ جنوبی افریقہ میں اسرائیلی سفارت خانے کو بند کرنے کے لیے پارلیمانی تحریک کی حمایت کرے گی۔
اسرائیلی وزارت خارجہ نے گزشتہ روز بیان میں کہا کہ اسرائیل نے جنوبی افریقہ کے تازہ ترین بیانات کے بعد اپنے سفیر کو مشاورت کے لیے واپس بلا لیا ہے۔ واضح رہے کہ جنوبی افریقہ نے غزہ میں اسرائیلی جارحیت کی مخالفت کرتے ہوئے اسرائیل سے اپنے سفارت کاروں کو واپس بلا لیا ہے۔
