اسرائیل نے غزہ میں تمام حدیں پار کر لی ہیں، یورپی یونین عہدے دار

برسلز ۔17اپریل (اے پی پی):یورپی یونین میں خارجہ امور اور سیکورٹی پالیسی کی اعلیٰ نمائندہ کایا کالاس نے اعتراف کیا ہے کہ اسرائیل پنے دفاع میں تمام حدوں سے تجاوز چکا ہے۔العربیہ کے مطابق انہوں نے کہاکہ اسرائیل کو اپنے دفاع کا حق حاصل ہےمگر حالیہ واقعات نے واضح طور پر ظاہر کر دیا ہے کہ تمام حدوں کو پار کر لیا گیا ہے۔

خاتون عہدے دار کے مطابق فلسطینیوں کے حقوق کے احترام کے بغیر اسرائیل کا امن یقینی نہیں بنایا جا سکتا، اسی وجہ سے یورپی یونین دو ریاستی حل کو سپورٹ کرتی ہے۔انہوں نے کہاکہ یورپی یونین نے فلسطینیوں کے لیے 1.6 ارب یورو کا نیا امدادی پیکج منظور کیا ہے۔

Short Link: https://urdu.app.com.pk/urdu/?p=583210