سمبڑیال ۔ 11 اپریل (اے پی پی):اسسٹنٹ کمشنر سمبڑیال غلام فاطمہ بندیال نے ستھر پنجاب پروگرام کو کامیاب بنانے کے حوالے سے اجلاس کا انعقاد کیا ہے۔اجلاس میں اسسٹنٹ کمشنر نے ہدایات جاری کیں کہ فیلڈ مانیٹرنگ آفیسر اور سپروائزرز اپنی مانیٹرنگ کو مزید بہتر کریں، سیالکوٹ ویسٹ منیجمنٹ کمپنی اس سلسلے میں یوسی وائز رپورٹ مرتب کرے تاکہ پتہ چل سکے کہ کس جگہ پر کتنی ہیومن ریسورس، مشینری فیلڈ میں موجود ہیں۔
تمام سپروائزر اپنی یونین کونسل میں اپنی سربراہی میں اس عوامی مفاد کے جامع پروگرام کو کامیاب بنانے کیلئے کام کریں اور یہ مہم ایک مستقل سرگرمی ہے جو وزیر اعلٰی پنجاب کے گورننس بہتری کے پی آئیز کا پہلے سے حصہ ہے۔اسسٹنٹ کمشنر نے عوام الناس سے گزارش کی کہ اس مہم کو کامیاب بنانے میں انتظامیہ کا ساتھ دیں اور کچرا مخصوص کوڑے دانوں یا جگہوں میں پھینکیں۔
انہوں نے کہا کہ اپنے گلی اور محلوں کی صاف ستھرائی کا خیال رکھیں، عوامی مقامات میں کچرے کی اطلاع اپنے متعلقہ فیلڈ مانیٹرنگ آفیسر، سپروائزر اور دیگر متعلقہ افسران کودیں تاکہ انتظامیہ اس پر بروقت ایکشن لے سکے۔انہوں نے اپنے پیغام میں کہا کہ آئیے ہم سب مل کر اور اپنی اجتماعی ذمہ داری نبھا کر سمبڑیال کو صاف ستھرا رکھیں۔
Short Link: https://urdu.app.com.pk/urdu/?p=580557
