برسلز۔25نومبر (اے پی پی):اقوام متحدہ کے خصوصی ایلچی کے ملٹری مشیر انتونی ہیورڈ نے یمن میں بارودی سرنگیں صاف کرنے کےلیے سعودی ایجنسی کے مسام پروجیکٹ کے کام کی تعریف کی ہے۔
ایس پی اے کے مطابق مارب میں ایجنسی کے ہیڈ کوارٹر کے دورے کے دورران انہوں نے کہا کہ یہ پروجیکٹ بارودی سرنگوں سے درپیش چیلنجوں کے باجوود شہریوں کی زندگیوں کے تحفظ اور یمنی سرزمین کے بڑے علاقے کو محفوظ بنانے کےلیے کام کرتا ہے۔
اقوام متحدہ کے اہلکار نے یمن میں استحکام کے حصول اور شہریوں کے تحفظ کےلیے انسانی بنیادوں پر ایسے منصوبے جاری رکھنے کی اہمیت پر زور دیا۔علاوہ ازیں مسام پروجیکٹ نے گزشتہ ہفتے یمن کے مختلف علاقوں سے حوثیوں کی نصب کردہ مزید 840 بارودی سرنگوں کو صاف کیا ہے جن میں اینٹی پرسنل بارودی سرنگیں، بغیر دھماکے کی ڈیوائسز اور اینٹی ٹینک بارودی سرنگیں شامل ہیں۔ واضح رہے کہ مارب، عدن، الجوف، شبوہ، تعز، حدیدہ، للحج، صنعا، البیضا، الضالع اور صعدہ میں آپریشن کیے گئے۔
Short Link: https://urdu.app.com.pk/urdu/?p=528578
