الحمرا آرٹ کونسل کے اطراف میں واشنگ،سویپنگ اور ویسٹ کلیئرنس یقینی بنائی گئی، بابر صاحب دین

لاہور۔17اپریل (اے پی پی):الحمرا آرٹ کونسل میں پنجاب کے ثقافتی رنگوں کو اجاگر کرنے کیلئے کلچر ڈے تقریب کا انعقاد کیا گیا۔اس موقع پر شرکا کو بہترین صفائی سہولیات فراہم کرنے کیلئے ایل ڈبلیو ایم سی آپریشن ٹیموں نے تقریب سے قبل الحمرا آرٹ کونسل میں صفائی یقینی بنانے کے لیے انتظامات سنبھالے۔ الحمرا ہال مال روڈ کے اندر اور اس کے اطراف 20 سے زائد ورکرز اور گاڑیوں کی مدد سے صفائی آپریشن کیا گیا جبکہ دورانِ تقریب صفائی انتظامات یقینی بنانے کیلئے بھی عملہ تعینات رہا۔

سی ای او ایل ڈبلیو ایم سی بابر صاحب دین کا اس حوالے سے کہنا تھا کہ وزیرِ اعلی پنجاب مریم نواز کے ویژن ستھرا پنجاب کے مطابق شہریوں کو خوشگوار ماحول کی فراہمی کیلئے الحمرا آرٹ سینٹر کے اندر اور باہر صفائی ورکرز تعینات کئے گئے۔ 1مکینیکل سویپر،1 واشراور 1لوڈر رکشہ کی مدد سے الحمرا آرٹ کونسل کے اطراف واشنگ،سویپنگ اور ویسٹ کلیئرنس یقینی بنائی گئی جبکہ الحمرا آرٹ کونسل کے پارکنگ ایریاز اورآنے والے تمام راستوں پر بھی مینوئل سویپنگ اور پانی کا چھڑکائو کیا گیا۔

مزید برآں کلچر ڈے تقریبات کے دوران بھی ورکرز الحمرا آرٹ کونسل کے اندرڈیوٹی سر انجام دیں گے۔ایل ڈبلیو ایم سی ہر موقع اور تہوار پر شہریوں کو صاف ستھرا ماحول فراہم کرنے کیلئے کوشاں ہے۔شہریوں سے گزارش ہے کہ ایل ڈبلیو ایم سی ٹیموں سے تعاون کریں اور شہر لاہور کو صاف بنانے میں اپنا کردار ادا کریں۔

Short Link: https://urdu.app.com.pk/urdu/?p=583815