اللہ تعالیٰ کے کرم اور ہماری بہادر افواج کی قربانیوں کے نتیجے میں پاکستان نے نہایت کٹھن جنگ میں فتح حاصل کی، صدر پاک فرانس بزنس فورم محمدابراہیم ڈار

پیرس ۔12مئی (اے پی پی):پاک فرانس بزنس فورم کے سرپرست اعلیٰ محمد ابراہیم ڈار نے کہا ہے کہ اللہ تعالیٰ کے کرم اور ہماری بہادر افواج کی قربانیوں کے نتیجے میں پاکستان نے ایک مختصر مگر نہایت کٹھن جنگ میں فتح حاصل کی،قوم نے یکجہتی کا مظاہرہ کیا، فوج کے شانہ بشانہ کھڑی ہوئی اور دنیا نے دیکھا کہ پاکستانی قوم کبھی جھک نہیں سکتی ۔

اپنے بیان میں انہوں نے کہا کہ یہ صرف ایک جنگ نہیں تھی، یہ ہماری غیرت، ہمارے جذبے اور ہمارے ایمان کا امتحان تھاجس میں ہم سرخرو ہوئے۔ انہوں نے کہا کہ آئیے آج ہم سب اس عظیم کامیابی پر شکر ادا کریں اور اُن شہداء کو خراجِ عقیدت پیش کریں جنہوں نے اپنی جانوں کا نذرانہ دے کر وطن کی عزت بچائی۔انہوں نے کہا کہ اللہ تعالیٰ ہمارے شہداء کو جنت الفردوس میں اعلیٰ مقام عطا فرمائے۔ آمین

Short Link: https://urdu.app.com.pk/urdu/?p=596310