انڈونیشیا ، بس حادثے میں 12 افراد جاں بحق ، 5 زخمی

جکارتہ ۔6مئی (اے پی پی):انڈونیشیا میں بس حادثے کے نتیجے میں 12 افراد جاں بحق اور 5 زخمی ہوگئے۔شنہوا کے مطابق انڈونیشیا کے مغربی صوبے سماٹرا کے شہر پادانگ پنجانگ میں ایک بس کے حادثے میں کم از کم 12 افراد جاں بحق اور 5سے زائد زخمی ہو گئے۔اطلاعات کے مطابق بس بریک فیل ہونے کے بعد کنٹرول کھو بیٹھی اور الٹ گئی۔حکام نے بتایا کہ بس میں 25مسافر سوار تھے ۔ زخمیوں کو 2 مختلف مقامی ہسپتالوں میں منتقل کردیا گیا۔

Short Link: https://urdu.app.com.pk/urdu/?p=593161