لندن۔25فروری (اے پی پی):انگلش پریمیئر فٹ بال لیگ 27 فروری بروز (جمعرات کو) مزید 5میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔
پہلا میچ برینٹ فورڈ اور ایورٹن کی ٹیموں کے درمیان جی ٹیک کمیونٹی سٹیڈیم ،برینٹ فورڈ کے مقام پر کھیلا جائے گا،دوسرا میچ ایپسوچ ٹائون اور مانچسٹر یونائیٹڈ کی ٹیموں کے درمیان اولڈ ٹریفورڈ ،مانچسٹر کے مقام پر کھیلا جائے گا،تیسرے میچ میں ناٹنگھم فارسٹ اور آرسنل کی ٹیمیں آمنے سامنے ہوں گی اور یہ دی سٹی گرائونڈ ،ناٹنگھم میں کھیلا جائے گا۔
چوتھا میچ ٹوٹنہم ہاٹ پور اور دفاعی چیمپئن مانچسٹر سٹی کی ٹیموں کے درمیان ٹوٹنہم ہاٹ پور سٹیڈیم،لندن میں کھیلا جائے گاجبکہ 27 فروری کا پانچواں اور آخری میچ لیورپول اور نیو کیسل یونائیٹڈ کی ٹیموں کے درمیان اینفلیڈ ،لیورپول میں کھیلا جائے گا۔انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔
ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔
Short Link: https://urdu.app.com.pk/urdu/?p=565921
