اسلام آباد۔25اپریل (اے پی پی):پاکستان ٹیلی کمیونیکیشن اتھارٹی (پی ٹی اے) کی جانب سے بیرون ملک مقیم پاکستانیوں اور غیر ملکی شہریوں کو موبائل ڈیوائس رجسٹریشن کی عارضی سہولت میسر ہے۔ اس سہولت کے پیش نظر پاکستان کے دورے پر آنے والے بیرون ملک مقیم افراد اپنی ذاتی موبائل ڈیوائسز ہر دورے کے دوران 120 دن کے لیے عارضی طور پر رجسٹر کر سکتے ہیں۔
یہ صارف دوست نظام بیرون ملک مقیم افراد کو پاکستان میں اپنے قیام کے دوران بلا تعطل موبائل کنیکٹیویٹی فراہم کرنے کے لیے ڈیزائن کیا گیا ہے تاکہ رابطے میں آسانی ہو۔
یہ رجسٹریشن بالکل مفت ہے اور مکمل طور پر ڈیجیٹل طریقے سے پی ٹی اے کے آفیشل ڈیوائس رجسٹریشن پورٹل کے ذریعے کی جا سکتی ہے https://dirbs.pta.gov.pk/drs۔ واضح رہے کہ پی ٹی اے صارفین کو جدید، موثر اور جامع خدمات کی فراہمی کے لئے پرعزم ہے۔
پی ٹی اے کا مقصد اعلیٰ معیار برقرار رکھتے ہوئے ملک بھر میں زائرین کے لیے ایک مربوط اور قابل اعتماد ذرائع کی فراہمی ہے۔
Short Link: https://urdu.app.com.pk/urdu/?p=587965
