اسلام آباد۔8اپریل (اے پی پی):آئندہ 24 گھنٹوں کے دوران خیبرپختونخوا، بالائی پنجاب، اسلام آباد، شمال مشرقی بلوچستان ،کشمیر اور گلگت بلتستان میں مطلع جزوی ابرآلود رہنے کے علاوہ تیز ہوائوں اورچند مقامات پر گرج چمک کے ساتھ بارش کا امکان ہے، اس دوران بعض مقامات پرژالہ باری بھی ہو سکتی ہے۔ ملک کے دیگر جنوبی علاقوں میں موسم خشک رہنے کا امکان ہے۔
محکمہ موسمیات کے مطابق کل بدھ کوخیبرپختونخوا، کشمیر ،گلگت بلتستان، بالائی پنجاب، اسلام ا آباد اور شمال مشرقی بلوچستان میں مطلع جزوی ابر آلود رہنے کے علاوہ تیز ہوائوں/آندھی اور گرج چمک کے ساتھ بارش کا امکان ہے۔اس دوران چند مقامات پرژالہ باری بھی ہو سکتی ہے۔ ملک کے دیگرعلاقوں میں موسم گرم اورخشک رہنے کا امکان ہے۔گزشتہ 24 گھنٹوں کے دوران ملک کے بیشتر علاقوں میں مو سم خشک جبکہ میدانی علاقوں میں شدیدگرم رہا تاہم بالائی خیبرپختونخوا، کشمیر اور گلگت بلتستان میں چند مقامات پر بارش ہوئی۔
سب سے زیادہ بارش خیبرپختونخوا پتن 05، دروش 03، کشمیر: گڑھی دوپٹہ 02، گلگت بلتستان: استور میں 02ملی میٹر بارش ریکارڈ کی گئی۔منگل کو ریکارڈکئے گئے زیادہ سےزیادہ درجہ حرارت : دادو 47، سبی 46، بہاولنگر، خیرپور، لاڑکانہ، مٹھی، موہنجو داڑو، نواب شاہ، پڈعیدن، آر وائی خان، روہڑی، سکرنڈ میں 45 ڈگری سینٹی گریڈ ریکارڈ کیا گیا۔
Short Link: https://urdu.app.com.pk/urdu/?p=579586
