پیرس۔9جون (اے پی پی):کروشین ٹینس کھلاڑی آئیوان ڈوڈگ اور ان کے امریکی جوڑی دار آسٹن کریجک پر مشتمل فورتھ سیڈ جوڑی فرنچ اوپن ٹینس ٹورنامنٹ کے مینز ڈبلز مقابلوں کے فائنل میں پہنچ گئی ۔انہوں نے مردوں کے ڈبلز مقابلوں کے پہلے سیمی فائنل فائنل میچ میں ہسپانوی ٹینس سٹار مارسل گرینولرز اور ان کے ارجنٹائن کے جوڑی دار ہوراشیو زیبالوس جونیئر کو شکست دی۔
سال کے دوسرا گرینڈ سلام فرنچ اوپن ٹینس ٹورنامنٹ کے دلچسپ اور کانٹے دار مقابلوں کا سلسلہ فرانس کے دارلحکومت پیرس میں جاری ہے ۔
مینز ڈبلز مقابلوں کے پہلے سیمی فائنل میچ میں کروشین ٹینس کھلاڑی آئیوان ڈوڈگ اور ان کے امریکی جوڑی دار آسٹن کریجک پر مشتمل فورتھ سیڈ جوڑی نے شاندار کارکردگی کا مظاہرہ کرتے ہوئے حریف ہسپانوی ٹینس سٹار مارسل گرینولرز اور ان کے ارجنٹائن کے جوڑی دار ہوراشیو زیبالوس جونیئر کو سٹریٹ سیٹس میں 3-6 اور 6-7(3-7) سے شکست دے کر نہ صرف میگا ایونٹ سے باہر کر دیا بلکہ فائنل کے لئے کوالیفائی کرلیا۔فاتح جوڑی کا فائنل میں مقابلہ سینڈر گیلی اور ان کے ہم وطن جوڑی دار جوران ویلیگن پر مشتمل بیلجیم کی جوڑی سے ہوگا۔
