اسلام آباد ۔ 26 ستمبر (اے پی پی)مارکیٹ کی بڑھتی ہوئی ضروریات اور تیزی سے اُبھرتی معیشت کے پیش نظر نیوٹیک نے کنسٹرکشن کے شعبے میں اسکل سیکٹر کونسل کے قیام کا آغاز کردیا ہے۔ اس سلسلہ میں منگل کو نیوٹیک ہیڈ کوارٹر میں ایک اہم اجلاس منعقد ہوا جس میں کنسٹرکشن شعبے سے تعلق رکھنے والے صنعتکاروں اور ماہرین نے شرکت کی جن میں حبیب رفیق پرائیویٹ لمیٹڈ کے ڈائریکٹر شاہد رفیق، ایسوسی ایشن آف بلڈر ز اینڈ ڈیویلپرز آف پاکستان (آباد) کراچی کے چیئرمین محسن شیخانی، کنسٹرکشن ایسوسی ایشن آف پاکستان کے چیئرمین سکندر حیات خٹک ، کے ہیڈ اکیڈمکس عادل مبشر، ایڈوائزرٹو چیئرمین میجر (ر) اختر علی اور دیگر گروپس کے نمائندوں نے شرکت کی۔ اجلاس سے خطاب کرتے ہوئے ایگزیکٹو ڈائریکٹر نیوٹیک ذوالفقار احمد چیمہ نے کہا کہ پاک چین راہداری منصوبے کو مدنظر رکھتے ہوئے کنسٹرکشن کے شعبے میں اعلیٰ معیاری تربیت یافتہ ہنر مند افراد کی اہمیت اور ڈیمانڈ میں بے پناہ اضافہ ہوا ہے ۔
Short Link: https://urdu.app.com.pk/urdu/?p=71244
