اسلام آباد۔9جولائی (اے پی پی):بالائی پنجاب، کشمیر، خطہ پوٹھوہار، بالائی خیبر پختونخوا اور گلگت بلتستان میں چند مقامات پر تیز ہوائوں اور گرج چمک کے ساتھ بارش کا امکان ہے۔ محکمہ موسمیات کے مطابق آئندہ چوبیس گھنٹوں کے دوران جنوب مشرقی، زیریں سندھ اور شمالی مشرقی و جنوبی بلوچستان میں آندھی چلنے اور گرج چمک کے ساتھ بارش جبکہ چند مقامات پر موسلادھار/تیز بارش کی بھی توقع ہے۔ اس دوران موسلادھار بارش کے باعث کراچی سمیت سندھ کے ساحلی علاقے اور زیریں بلوچستان کے نشیبی علاقے زیر آب آنے کا خدشہ ہے تاہم ملک کے دیگر علاقوں میں موسم گرم اور مرطوب رہے گا۔
گذشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا جبکہ زیریں سندھ، شمال مشرقی پنجاب، بالائی خیبر پختونخوا اور شمالی بلوچستان میں چند مقامات پر تیز ہوائوں اور گرج چمک کے ساتھ بارش ہوئی۔سب سے زیادہ بارش کراچی میں (سرجانی ٹائون 58، سٹی 32، ایئرپورٹ 31، اورنگی ٹائون 30، یونیورسٹی روڈ 20، پی اے ایف فیصل 16، سعدی ٹائون 15، گلشن حدید 12، نارتھ کراچی 9، گلشن معمار، کیماڑی 7، کورنگی 4، ملیر 3، پی اے ایف مسرور، ابراہیم حیدری 2)، مٹھی 19، ٹنڈو جام 9، بدین، چھور، ٹھٹھہ ایک، سیالکوٹ سٹی 20، گجرات 12، خیبرپختونخوا: پاراچنار 19، چترال ایک اور ژوب میں 7 ملی میٹر بارش ریکارڈ کی گئی۔
منگل کو ریکارڈ کئے گئے زیادہ سے زیادہ درجہ حرارت کی رپورٹ کے مطابق تربت میں درجہ حرارت 46، دالبندین، جیکب آباد 45، موہنجو داڑو، نوکنڈی، سبی 44، روہڑی، لاڑکانہ اور دادو میں 43 ڈگری سینٹی گریڈ ریکارڈ کیا گیا۔
