ملتان ۔ 24 اپریل (اے پی پی):کمشنر ملتان ڈویژن عامر کریم خاں نے کہا ہےکہ بس شیڈز کے ڈیزائن میں ملتان کی ثقافت و موسمی حالات کا خیال رکھا گیا ہے ۔ان خیالات کا اظہار انہوں نے نشتر 1ایمرجنسی گیٹ کے قریب زیر تعمیر بس شیڈ کا دورہ کرتے ہوئے کیا۔انہوں نے بس شیڈ کی تعمیر ایک ماہ میں مکمل کرنے کی ڈیڈ لائن دی ہے۔انہوں نے کہا کہ 11 بس شیڈز ملتان ترقیاتی ادارہ، 11 نجی شعبے کے تعاون سے زیر تعمیر ہیں۔
نجی سیکٹر کے ساتھ ایم او یو میں تشہیر اور مدت کی واضح شرط شامل کی جائے گی۔کمشنرملتان نے کہا کہ اربن انفراسٹرکچر کی بہتری میں بس شیڈز کلیدی حیثیت رکھتے ہیں ،بڑھتی ہوئی شہری آبادی کو بہتر ٹرانسپورٹ سہولیات کی فراہمی وقت کی اہم ضرورت ہے۔ایم ڈی اے حکام نے کمشنر ملتان ڈویژن عامر کریم خاں کوتفصیلی بریفنگ دی۔اس موقع پر دیگر متعلقہ افسران بھی موجود تھے۔
Short Link: https://urdu.app.com.pk/urdu/?p=587015
