بہار یہ کماد کی کاشت کا موزوں وقت وسط فروری سے وسط مارچ تک ہے،ڈاکٹر رانا قربان علی خان

سیالکوٹ۔12فروری (اے پی پی):ڈپٹی ڈائریکٹر محکمہ زراعت (توسیع)سیالکوٹ ڈاکٹر راناقربان علی خان نے کہا ہے کہ بہار یہ کماد کی کاشت کا موزوں وقت وسط فروری سے وسط مارچ تک ہے، بہتر پیداوار کے لئے محکمہ زراعت کی منظور شدہ اقسام علاقائی تقسیم کے لحاظ سے کاشت کریں۔ بدھ کو اے پی پی سے گفتگو کرتے ہوئے انہوں نے بتایا کہ کماد کی اگیتی پکنے والی اقسام میں سی پی 400-77،سی پی ایف 237،سی پی ایف 250 اور سی پی ایف 251 اور وائی ٹی ایف جی 236 درمیانی پکنے والی اقسام میں ایچ ایس ایف 240، ایچ ایس ایف 242، ایس پی ایف 234، ایس پی ایف 213،سی پی ایف 246،سی پی ایف 247،سی پی ایف 248،سی پی ایف 249،سی پی ایف 253،سی پی ایس جی -2525 اور ایس ایل ایس جی -1283 ہیں جبکہ پچھیتی پکنے والی اقسام میں سی پی ایف 252 شامل ہے۔ انہوں نے کہا کہ کا شکاربر وقت کاشت اور دیگر موزوں حالات میں دو آنکھوں والے 30 ہزار یا تین آنکھوں والے 20 ہزار سمے فی ایکڑ ڈالیں، یہ تعداد موٹی اقسام میں تقریباً 100 سے 120 من اور باریک اقسام میں 80 سے 100 من بیج سے حاصل کی جاسکتی ہے۔

Short Link: https://urdu.app.com.pk/urdu/?p=559534