تیار ملبوسات کی برآمدات میں اگست کے دوران سالانہ بنیادوں پر 14.5فیصد اضافہ

اسلام آباد۔25ستمبر (اے پی پی):تیار ملبوسات کی برآمدات میں اگست کے دوران سالانہ بنیادوں پر 14.5فیصد اضافہ ریکارڈ کیا گیا ہے ۔

ادارہ برائے شماریات پاکستان کی طرف سے جاری کردہ اعدادوشمار کے مطابق اگست 2022 کے مقابلے میں اگست 2023 کے دوران تیار ملبوسات کی برآمدات میں 14.5فیصد اضافہ ہوا ہے ۔

اگست 2022 کے دوران 72.9ارب روپے کے تیار ملبوسات برآمد کیے گئےجبکہ اگست 2023 کے دوران برآمدات کا حجم 83.4ارب روپے رہا ۔ اس طرح تیار ملبوسات کی برامد میں سالانہ بنیادوں پر 14.5فیصد کا اضافہ ریکارڈ کیا گیا ہے ۔

Short Link: https://urdu.app.com.pk/urdu/?p=394281