اسلام آباد۔26اکتوبر (اے پی پی):وفاقی وزیر برائے منصوبہ بندی ترقی واصلاحات وخصوصی اقدامات اسد عمر نے کہا ہے کہ جامع مذاکرات سے مستقبل میں امن اور خوش حالی حاصل ہوسکتی ہے جس کے لئے پاکستان تیار ہے، کیا بھارت بھی تیار ہے؟۔
منگل کو اپنے ٹویٹ میں کہا ہے کہ پاکستان نے کورونا وائرس کے ساتھ مقابلے میں اور اب کرکٹ کے میدان میں بھی بھارت کو پیچھے چھوڑ دیا ہے۔انہوں نے کہا کہ بھارت میں مائنڈ سیٹ بن چکا ہے کہ پاکستان کو کچلا جا سکتا ہے، اختلافات ختم کرنے کی ضرورت نہیں۔
اسد عمر نے مزید کہا کہ بالا کوٹ تنازع میں پاکستان نے بھارت پر غلبہ حاصل کیا، پاکستان اور بھارت کے تمام مسائل کے حل کے لیے جامع مذاکرات ہونے چاہئیں۔
وفاقی وزیر کا یہ بھی کہنا ہے کہ دونوں ممالک کی مشترکہ جغرافیائی قربت کو ختم نہیں کیا جا سکتا، جامع مذاکرات سے مستقبل میں امن اور خوش حالی حاصل ہو سکتی ہے۔
