جاپان کے مشہور سیریل ’’ڈریگن بال” کامکس اور اینیمی کارٹونز کے خالق اکیرا توریاماانتقال کر گئے

ٹوکیو۔8مارچ (اے پی پی):جاپان کی انتہائی مقبول عام "ڈریگن بال” کامکس اور اینیمی کارٹونز کے خالق اکیرا توریاما 68 سال کی عمر میں انتقال کر گئے۔ جمعہ کو ان کی پروڈکشن ٹیم نے آفیشل ’’ڈریگن بال‘‘ایکس آفیشل اکاؤنٹ پر پوسٹ میں بتایا کہ توریاما کی موت یکم مارچ کو ایکیوٹ سبڈرل ہیماٹوما کیفیت کی وجہ سے ہوئی تھی جس میں دماغ کی شریانوں میں خون لوتھڑے بننے سے جم جاتا ہے ۔

تورایا نے پہلی بار 1984 میں ڈریگن بال سیریل کیا جس کی دنیا میں بے پناہ مقبولیت کے باعث اسی نام سے لاتعداد اینیمیٹڈ سیریز، فلمیں بنیں اور وڈیو گیمز جاری کی گئیں ۔’’ڈریگن بال‘‘ میں سون گوکو نامی ایک لڑکا دکھایا گیا جو مختلف ڈریگنز پر مشتمل جادوئی گیندوں کو جمع کرتا ہے تاکہ زمین کو برے دشمنوں سے بچانے کی لڑائی میں اس کی اور اس کے اتحادیوں کی مدد کریں ۔

توریاما اس سے قبل 1980 کی دہائی کے اوائل میں اپنی کامیڈی ڈرامہ ’’ڈاکٹر سلمپ‘‘کے لیے مشہور تھے جب انہوں نے ’’ڈریگن بال‘‘ بنائی، جس کے بارے میں انہوں نے کہا کہ ان کی یہ تخلیق چینی طرز کی کنگ فو فلموں سے متاثر تھی۔ 1990 کی دہائی میں ’’ڈریگن بال زیڈ‘‘جاری کیا گیااور توریاما بڑی ’’ڈریگن کویسٹ‘‘ گیمز کے لیے ڈیزائن ٹیم کا بھی حصہ تھے۔

اپنے ایک انٹرویو میں تورایا نے کہا کہ انہیں کوئی اندازہ نہیں ہے کہ ڈریگن بال دنیا بھر میں اتنی بڑی ہٹ کیوں ثابت ہوئی ہے۔جب میں سیریز ڈیزائن کر رہا تھا، تو میں صرف جاپان میں لڑکوں کو خوش کرنا چاہتا تھا ۔

Short Link: https://urdu.app.com.pk/urdu/?p=445913