اسلام آباد۔3فروری (اے پی پی):فیڈریشن آف پاکستان چیمبر آف کامرس اینڈ انڈسٹری کے صدر عاطف اکرام شیخ نے کہا ہے کہ حکومت کیجانب سے رئیل سٹیٹ شعبے کےلئے مراعاتی پیکج کی مکمل حمایت کرتے ہیں ۔ انہوں نے بیان میں حکومت سے اپیل کی کہ پراپرٹی اور ہائوسنگ سیکٹر پر بجٹ میں لگائے گئے ٹیکسز پر نظر ثانی کی جائے۔ انہوں نے کہا کہ پراپرٹی کی خرید و فروخت پر ٹیکس کی 4 فیصد شرح رئیل سٹیٹ شعبے کی ترقی میں بڑی رکاوٹ ہے، ہائوسنگ اور رئیل سٹیٹ سیکٹر پر ٹیکسز کو کم کر کے سنگل ڈیجٹ میں لایا جائے ۔
صدر ایف پی سی سی آئی نے کہا کہ حکومت کو کم قیمت گھروں کے حصول کے لئے ہر ممکن مراعات دینی چاہئیں، پاکستان میں بھی پہلی مرتبہ گھر بنانے یا خریدنے پر مکمل ٹیکس چھوٹ دی جانی چاہیے، مراعاتی پیکیج میں اوورسیز پاکستانیز کو ودہولڈنگ ٹیکس سے استثنا دیا جائے۔ انہوں نے کہا کہ رہائشی مکان کی تین منزلوں کی اجازت اچھا اقدام ہے ،حکومت کو ہائی ریز بلڈنگ کی طرف جانا چاہیے، گزشتہ چند سالوں سے رئیل سٹیٹ سیکٹر جمود کا شکار ہے،حکومت بحالی کےلئے جامع پلان پیش کرے۔
Short Link: https://urdu.app.com.pk/urdu/?p=555275
