خیبر پختونخوامیں کل (بدھ ) سے مون سون بارشوں کا نیا سلسلہ شروع ہونے کا امکان

پشاور۔ 22 اگست (اے پی پی):خیبرپختونخوا میں کل (بدھ )سے مزید مون سون بارشوں کاسلسلہ شروع ہونے کاامکان ہے ۔محکمہ موسمیات کے مطابق بارشوں کا یہ سلسلہ 27اگست تک جاری رہنے کا امکان ہے ۔پی ڈی ایم اے کی جانب سے تمام ضلعی انتظامیہ کو الرٹ رہنے کے لیے مراسلہ جاری کیاگیا ہے ۔پ

ی ڈی ایم اے کی جانب سے جاری مراسلے کے مطابق تیزبارشوں اور ہواؤں کے پیش نظر ضلعی انتظامیہ کو پیشگی اقدامات اٹھانے کی ہدایت کی گئ ہے ۔ڈی جی، پی ڈی ایم اے کے مطابق صوبے کے بالائی اضلاع میں لینڈ سلائیڈنگ کاخدشہ ہے ،بارشوں سے موجودہ گرمی کی لہر میں کمی ہونے کاامکان ہے سوات،کوہستان،بونیر،صوابی، چترال،مانسہرہ،شانگلہ، دیر،ابیٹ آباد،مردان،تورغر میں تیز بارشوں سے ندی نالوں پانی کے بہاو میں اضافے کا خدشہ ہے ،بارشوں سے نشیبی علاقوں میں اربن فلڈنگ کا امکان ہے ،ضلعی انتظامیہ کو چھوٹی بھاری مشینری کی دستیابی کویقینی بنانے اور برساتی نالوں کی نگرانی کی ہدایت کی ہے ۔

ڈی جی پی ڈی ایم اے کے مطابق طوفان کی صورت میں عوام بجلی کی تاروں، بوسیدہ عمارتوں و تعمیرات، سایئن بورڈز اور بل بورڈز سے دور رہے۔حساس بالائی علاقوں میں سیاحوں اور مقامی آبادی کو موسمی حالات سے باخبر رہنے اور احتیاتی تدابیر کی ہدایت کی گی ہے ۔حساس اضلاع میں ضلعی انتظامیہ کو مقامی آبادی تک پیغامات مقامی زبانوں میں پہنچائے جائیں ۔کسی بھی ہنگامی صورتحال میں تمام متعلقہ ادارے روڈ لنکس کی بحالی میں چوکس رہیں اورسڑک کی بندش کی صورت میں ٹریفک کے لئے متبادل راستے فراہم کئے جائیں ،

حساس علاقوں میں صوبائی اور قومی شاہراہوں پرمسافروں کو پیشگی خبردار کیا جائے،متعلقہ حکام بوقت ضرورت لوگوں کومحفوظ انتظار گاہوں کی جانب منتقل کریں ،اس دوران ہنگامی خدمات کے اہلکاروں کی دستیابی یقینی بنائیں۔سیاحوں کو موسمی صورت حال سے آگاہ کیاجائے ،سیاح دوران سفر خصوصی احتیاطی تدابیر اختیار کریں۔

Short Link: https://urdu.app.com.pk/urdu/?p=381377