سیالکوٹ۔26مئی (اے پی پی):محکمہ زراعت سیالکوٹ نے دھان کے کاشتکاروں کو ہدایت کی کہ کاشتکار دھان کی زیادہ پیداوار کے لئے منظور شدہ اقسام کا بیج استعمال کریں۔ محکمہ کے ترجمان نے کہا ہے کہ دھان کی فی ایکڑ پیداوار میں اضافہ کے قومی منصوبہ پر عملدرآمد جاری ہے جس کے تحت امسال صوبہ پنجاب کاشتکاروں کو منتخب تصدیق شدہ اقسام کے بیج پر سبسڈی فراہم کی جارہی ہے۔
یہ سبسڈی باسمتی اقسام میں سپر باسمتی،باسمتی 515،پی کے 1121(ایرومیٹک)،پنجاب باسمتی، چناب باسمتی،نور باسمتی،نیاب باسمتی2016،شاہین باسمتی،کسان باسمتی،پی کے2021 (ایرو میٹک)،نبجی باسمتی2020،سپرگولڈ،سپر باسمتی2019،ہائبرڈ باسمتی کے ایس کے111 ایچ،الخالد رائس،این بی آر2-،نیاب سپر،پی کے386- جبکہ موٹی اقسام اری 6-،کے ایس282،کے ایس کے 133،نیاب اری 9،نیاب2013،کے ایس کے 434،نبجی جی ایس آر6 اور نبجی5پر دی جارہی ہے۔
دھان کی منظور دہ اقسام میں باسمتی اقسام پر 1500روپے فی بیگ(20کلوگرام) اور غیر باسمتی اقسام پر 1000روپے فی بیگ(20کلوگرام) سبسڈی دی جارہی ہے۔یہ سبسڈی تھیلوں میں موجود واؤچر کے ذریعے صرف رجسٹرڈ کسانوں کو فراہم کی جائے گی۔غیر رجسٹرڈ کاشتکار رجسٹریشن کے لیے محکمہ زراعت (توسیع)کے مقامی دفاتر سے رابطہ کریں۔
دھان کے کاشتکار سبسڈی حاصل کرنے کے لیے واؤچر والا تھیلا اپنے قریبی ڈیلر سے طلب کریں۔دھان کے کاشتکار منظور شدہ ہائبرڈ اقسام کے بیج کاا نتظام کریں اورغیر منظور شدہ و ممنوعہ اقسام ہر گز کاشت نہ کریں کیونکہ اس سے چاول کا معیار ناقص ہونے کی وجہ سے عالمی منڈی میں چاول کی قیمت کم وصول ہوتی ہے
Short Link: https://urdu.app.com.pk/urdu/?p=365392
