اسلام آباد ۔ 14 نومبر (اے پی پی) رواں مالی سال 2019-20ء کی پہلی سہ ماہی کے دوران نیٹ ویئر کی برآمدات میں 41.34 فیصد اضافہ ہوا ہے۔ ادارہ برائے شماریات پاکستان (پی بی ایس) کی رپورٹ کے مطابق گزشتہ مالی سال 2018-19ء میں جولائی تا ستمبر کے دوران نیٹ ویئر کی برآمدات 2کروڑ 80 لاکھ 37 ہزار درجن رہیں جن کی مالیت 87 لاکھ 3 ملین تھی جبکہ رواں مالی سال 2019-20ء کے اسی عرصہ کے دوران نیٹ ویئر کی برآمدات 2 کروڑ 99 لاکھ 46 ہزار درجن تک بڑھ گئیں جن کی مالیت ایک لاکھ 22 ہزار 974 ملین روپے رہی۔ اسی طرح گزشتہ مالی سال 2018-19ء کے پہلے 3 ماہ کے مقابلہ میں رواں مالی سال 2019-20ء کے اسی عرصہ کے دوران نیٹ ویئرکی برآمدات میں 35 ہزار 971 ملین یعنی 41.34 فیصد اضافہ ہوا ہے۔
