اسلام آباد ۔18 نومبر(اے پی پی)رواں مالی سال کے چوتھے مہینے میں ملک سے خشک میوہ جات کی برآمدات میں 150 فیصد اضافہ ریکارڈ کیا گیا ہے۔ ادارہ شماریات پاکستان کے اعداد و شمار کے مطابق اکتوبر 2018ءکے دوران پاکستان نے خشک میوہ جات کی برآمدات سے 4.91 ملین ڈالر کا زرمبادلہ حاصل کیا جو گزشتہ مالی سال کے اسی عرصے کے مقابلے میں 150 فیصد زیادہ ہے۔ گزشتہ مالی سال کے چوتھے مہینے میں پاکستان نے خشک میوہ جات کی برآمدات سے 1.97 ملین ڈالر زرمبادلہ کمایا تھا۔
