میڈرڈ۔3فروری (اے پی پی):سپینش فٹ بال لیگ لالیگا پوائنٹس ٹیبل پرریال میڈرڈ کی ٹیم پہلے ، ایٹلیٹیکو میڈرڈ دوسرے اور بارسلونا تیسرے نمبرپر موجود ہے۔ سپینش لیگ لالیگا کے 94 ویں سیزن کے انتہائی دلچسپ اور کانٹے دار مقابلوں کا سلسلہ سپین میں جاری ہے۔ اس ایونٹ کو لالیگا ای اے سپورٹس کے نام سے بھی جانا جاتا ہے ۔ سپینش فٹ بال لیگ لالیگاکا 94 ویں سیزن کا آغاز 15 اگست 2024 کو ہوا اور 25 مئی 2025 کو اختتام پذیر ہوگا۔ ریال میڈرڈ دفاعی چیمپئن ہے، جس نے گزشتہ سیزن میں اپنا 36 واں ٹائٹل جیتا تھا۔
اب تک کھیلے گئے لیگ میچز کے بعد دفاعی چیمپئن ریال میڈرڈ کی ٹیم 15 میچز جیت کر 49 پوائنٹس کے ساتھ ٹیبل پر ٹاپ پوزیشن پر براجمان ہے۔ ایٹلیٹیکو میڈرڈ کی ٹیم بھی اب تک 22 میچز کھیل چکی ہے جن میں اس نے 14 میچز جیتے ہیں اور وہ 48 پوائنٹس کے ساتھ ٹیبل پر دوسرے نمبر پر ہے۔بارسلونا کی ٹیم پوائنٹس ٹیبل پر تیسرے نمبر پر ہے ،بارسلونا کی ٹیم 22 میچز میں سے 14 میچز جیت سکی ہے اور وہ 45 پوائنٹس ہیں۔ایتھلیٹک کلب کی ٹیم بھی 22 میچز کھیل چکی ہے
جن میں سے اس کو 11 میچز میں فتح نصیب ہوئی اور وہ 41 پوائنٹس کے ساتھ ٹیبل پر چوتھے نمبر پر ہے۔ ویلریال کی ٹیم کے 37 پوائنٹس ہیں اور وہ پانچویں نمبر پر ہے۔ ریو ویلیکانو کی ٹیم ٹیبل پر چھٹے نمبر پر ہے اور ریو ویلیکانو کے 22 میچز کے بعد 32 پوائنٹس ہیں۔اوساسونا اور میلورکا کی ٹیمیں 30،30 مساوی پوائنٹس کے ساتھ ٹیبل پر بالترتیب ساتویں اور آٹھویں نمبر پر ہیں۔
ریال بیٹس کی ٹیم کے 29 پوائنٹس ہیں اور وہ نویں نمبر پر ہے۔اسی طرح گیرونا ، ریال سوسی ڈیڈ اور سیویلا کی ٹیموں کے 28،28 پوائنٹس مساوی ہیں اور وہ بالترتیب دسویں ،گیارہویں اور بارہویں نمبر پر ہیں۔ ریال ویلاڈولڈکی ٹیم نے بھی 22 میچز کھیل لئے ہیں جن میں اس کو صرف 4 میچز میں فتح حاصل ہوئی ہے اور وہ 15 پوائنٹس کے ساتھ سب سے نیچے 20 ویں نمبر پر ہی
Short Link: https://urdu.app.com.pk/urdu/?p=555363
