مانسہرہ ۔ 04 ستمبر (اے پی پی):ڈسٹرکٹ ایمرجنسی آفیسر مانسہرہ حفیظ الرحمن نے ریسکیو 1122 مانسہرہ کی ہفتہ وارکارکردگی رپورٹ جاری کر دی۔ ترجمان ریسکیو 1122 کے مطابق ریسکیو 1122 مانسہرہ نے گزشتہ ہفتے 25مختلف ایمرجنسیز میں عوام کو خدمات فراہم کیں۔ ریسکیو کنٹرول روم مانسہرہ کو 5291 کالز موصول ہوئیں، جن میں1696 معلوماتی کالز اورغیرضروری کالز شامل ہیں۔
ریسکیو 1122 مانسہرہ نے اگست میں 18میڈیکل، 3 ٹریفک حادثات 2 آگ لگنے کے واقعات، ایک ڈوبنے اور اس کے علاوہ 1 متفرق واقعہ میں بھی خدمات سرانجام دیں۔ریسکیو 1122 مانسہرہ نے ہسپتال سے ہسپتال منتقلی سروس کے تحت مختلف 41 ایمرجنسی حالات میں خدمات سرانجام دیں، جن میں 23 افراد کو ایک ضلعی ہسپتال سے دوسرے ضلعی ہسپتال جبکہ 18 افراد کو ضلع کے اندر ایک ہسپتال سے دوسرے ہسپتال منتقل کیا۔ ترجمان نے کہا کہ ریسکیو 1122 مانسہرہ کے جوان 24 گھنٹے ہمہ وقت عوام کی خدمت کے لئے تیار ہیں۔
Short Link: https://urdu.app.com.pk/urdu/?p=386279
