اسلام آباد۔10جون (اے پی پی):زراعت اور غذائی تحفظ ملک کی معیشت کے لئے ریڑھ کی ہڈی کی حیثیت رکھتی ہے،فصلوں اور مویشیوں کی پیداوار بڑھانے کے لئے 21 ارب روپے رکھے ہیں۔
جمعہ کو وزیر خزانہ مفتاح اسماعیل نے کہاکہ فصلوں اور مویشیوں کی پیداوار بڑھانے کے لئے 21 ارب روپے رکھے ہیں تاکہ پیداوار بڑھائی جا سکے۔
وزارت برائے فوڈ سیکورٹی نے پلاننگ کمیشن اور صوبوں کے تعاون سے ایک تین سال شرح نمو کی حکمت عملی ترتیب دی ہے۔ اس حکمت عملی کا مقصد پیداوار میں اضافہ کرنا، کسان کو خوشحال کرنا، موسمیاتی تبدیلیوں کے اثرات کا مقابلہ کرنا، سمارٹ زراعت کا فروغ، خود انحصاری، ویلیو ایڈیشن اور ایگرو پروسیسنگ ہے۔
