سعودی عرب، منی لانڈرنگ کے الزام میں غیرملکی گرفتار

سعودی عرب، منی لانڈرنگ کے الزام میں غیرملکی گرفتار

ریاض ۔23فروری (اے پی پی):سعودی عرب کے شہر دمام میں منی لانڈرنگ کے الزام میں ایک غیرملکی کو گرفتارکرلیا گیا۔

العربیہ کے مطابق سکیورٹی ادارے کی جانب سے جاری اطلاع کے حوالے سے کہا ہے کہ قانون نافذ کرنے والے ادارے کی ٹیم نے مشرقی ریجن میں مقیم یمنی شہری کو گرفتار کیا جس پرالزام تھا کہ وہ نامعلوم ذرائع سے جمع کی گئی رقم کو غیرقانونی طورپربیرون ملک ارسال کرتا ہے۔

پولیس نے اطلاع ملنے پر ملزم کو گرفتار کرکے اسے مزید تحقیقات کے لیے متعلقہ ادارے کے سپرد کردیا جہاں کیس مکمل کرنے کے بعد چالان عدالت میں ارسال کیا جائے گا۔