ریاض ۔30جنوری (اے پی پی):سعودی وزیر افرادی قوت و سماجی بہبود آبادی احمد سلیمان الراجحی نے کہا ہے کہ مقامی لیبر مارکیٹ پر مملکت کے وژن 2030 کے مثبت اثرات واضح طور پر دکھائی دے رہے ہیں۔ اخبار 24 کے مطابق ریاض میں گلوبل لیبر مارکیٹ کانفرنس کے وزارتی اجلاس سے خطاب کرتے ہوئے انہوں نے کہا کہ بے روزگاری کے خاتمے کےلیے قومی حکمت عملی مرتب کی گئی ہے،نوجوانوں کو مارکیٹ کی طلب کے مطابق فنی مہارت پیش کی جائے گی تاکہ وہ بہتر مواقع حاصل کرسکیں
۔ پائیدار حکمت عملی کے تحت بے روزگاری کی شرح میں 8 فیصد کمی واقع ہو گی۔وزیر افرادی قوت نے کہا کہ سعودی نوجوانوں کو آزاد کام کا موقع فراہم کرنے کے مفید نتائج برآمد ہوئے۔ نجی شعبے میں سعودائزیشن کی تعداد میں 2.2 ملین کا اضافہ ہوا ہے۔ وزیر افرادی وسماجی بہبود آبادی نے تصدیق کی کہ نجی شعبے میں ملازمین کی تعداد 12 ملین تک پہنچ گئی ہے جبکہ گزشتہ برس 2024 میں 2.4 ملین سعودی ملازمین کا اضافہ ہوا۔انہوں نے کہا کہ مناسب اور پائیدار حکمت عملی کے تحت گزشتہ برس کی چوتھی سہ ماہی تک بے۔
روزگاری میں 3.7 فیصد کمی ہوئی جو 2020 کے مقابلے میں 5.7 فیصد زیادہ ہے۔لیبر مارکیٹ میں سعودی کارکنوں کی تعداد میں بھی 36 فیصد اضافہ ریکارڈ کیا گیا۔عالمی سطح پر بے روزگاری کے حوالے سے انجینئر احمد الرجحی نے کہا کہ گزستہ برس کی چوتھی سہ ماہی تک بے روزگاری کا تناسب 11.3 فیصد جبکہ بعض ممالک میں 24 فیصد تک اضافہ ریکارڈ کیا گیا۔
Short Link: https://urdu.app.com.pk/urdu/?p=553633
