ریاض ۔22اکتوبر (اے پی پی):سعودی عرب کے وزیر دفاع شہزادہ خالد بن سلمان نےبرطانوی ہم منصب جان ہیلی سے ٹیلی فون پر رابطہ کیا ہے۔ایس پی اے کے مطابق رابطے کے دوران دونوں دوست ملکوں کے درمیان تعلقات کی بہتری اور دفاعی شعبے میں انہیں مضبوط بنانے اور ترقی دینے کی کوششوں کو سراہا گیا۔
وزرائے دفاع نے علاقائی اور بین الاقوامی صورتحال اور خطے میں کشیدگی اور اس کے اثرات کو کم کرنے کے حوالے سے دونوں ملکوں کے درمیان جوائنٹ کو آرڈینیشن پر تبادلہ خیال کیا جس سے عالمی امن و سلامتی کو برقرار رکھا جا سکے۔وزیر دفاع شہزادہ خالد بن سلمان نے ایکس اکاونٹ پر لکھا کہ برطانوی وزیر دفاع کے ساتھ ٹیلی فونک رابطے کے دوران ہم نے اپنے مضبوط تعلقات اور دفاعی تعاون بڑھانے کے عزم کو اجاگر کیا۔’علاقائی اور بین الاقوامی صرتحال کے ساتھ کشیدگی کو کم کرنے اور امن وسلامتی کو فروغ دینے کے حوالے سے کوششوں پر بھی بات چیت کی۔
Short Link: https://urdu.app.com.pk/urdu/?p=515448
