- Advertisement -
ریاض۔23فروری (اے پی پی):خادم الحرمین الشریفین شاہ سلمان بن عبدالعزیز نے یوم تاسیس کے موقع پر خصوصی پیغام میں قوم کو مبارک باد پیش کرتے ہوئے کہاکہ سعودی عرب ترقی کی جانب گامزن ہے۔
ایس پی اے کے مطابق شاہ سلمان بن عبدالعزیز نے اپنے ایکس اکاونٹ پر جاری پیغام میں کہا کہ ہمیں مملکت کے قیام پر فخر ہے جس کی بنیادیں تین صدی قبل امن و امان، انصاف اور خالص عقیدے پر رکھی گئیں۔
- Advertisement -
انہوں نے کہا کہ ہم اس وقت سے آج تک اسی راستے پرمضبوطی سے قائم ہیں اور وطن عزیز مختلف میدانوں میں ترقی کی جانب گامزن ہے۔ واضح رہے کہ شاہ سلمان بن عبدالعزیز نے 27 جنوری 2022 کو شاہی فرمان جاری کیا جس کے مطابق ہر برس 22 فروری کو پہلی سعودی ریاست کے قیام کے حوالے سےاس دن کو منانے کا فیصلہ صادر کیا گیا تھا۔
Short Link: https://urdu.app.com.pk/urdu/?p=564941
- Advertisement -
