سعودی عرب میں کھجور سے تیار کردہ پہلا سافٹ ڈرنک ’میلاف کولا‘

مدینہ منورہ۔23نومبر (اے پی پی):سعودی پبلک انویسٹمنٹ فنڈ کی ملکیتی کمپنی ’تراث المدینہ‘ نے کھجور سے تیار کردہ مشروب ’میلاف کولا‘ لانچ کرنے کی تیاریاں مکمل کرلی ہیں۔

الاقتصادیہ اخبار کے مطابق ریاض میں جاری کھجور میلے میں نئے ڈرنک کا تعارف کرایا گیا، اس موقع پر وزیر وزارعت عبدالرحمن الفضلی اور کمپنی کے سی ای او بندر القحطانی بھی موجود تھے۔کمپنی کے ذرائعنے کہا کہ کھجور سے متعلق دیگر مصنوعات بھی جلد ہی مارکیٹ میں پیش کی جائیں گی جن کا کوئی ثانی نہیں ہوگا۔ انہوں نے کہا کہ ’میلاف کولا‘ پروڈکٹ کی تیاری میں انٹرنیشنل فوڈ سٹینڈرڈز کے تمام نکات کو مدنظر رکھا گیا ہے،

جس میں اہم ترین عنصر اس کے اجزا کی افادیت اور ذائقہ ہے جو صارفین کو یقینی طور پر پسند آئے گا۔واضح رہے پبلک انویسٹمنٹ فنڈ کے سرمائے سے گزشتہ برس جولائی 2023 میں ’سوانی‘کے نام سے کمپنی قائم کی گئی تھی جس کا مقصد اونٹنی کے دودھ سے مصنوعات کی تیاری اور اس کی مارکیٹنگ تھا۔

Short Link: https://urdu.app.com.pk/urdu/?p=528300