سپیکر قومی اسمبلی کا ریزیڈنٹ ایڈیٹر ڈان نیوز عامر وسیم کی خواہر نسبتی کے انتقال پر گہرے دکھ کا اظہار

اسلام آباد۔17اپریل (اے پی پی):سپیکر قومی اسمبلی سردار ایاز صادق نے ریزیڈنٹ ایڈیٹر ڈان نیوز عامر وسیم کی خواہر نسبتی کے مکہ مکرمہ میں انتقال پر گہرے دکھ اور افسوس کا اظہار کیا ہے۔ انھوں نے اپنے تعزیتی پیغام میں عامر وسیم اور ان کے اہل خانہ سے دلی تعزیت کا اظہار کرتے ہوئے کہا کہ انہیں عامر وسیم کی خواہر نسبتی کے انتقال کی خبر سن کر دلی دکھ اور افسوس ہوا ہے۔انہوں نے کہا کہ وہ اس دکھ کی گھڑی میں عامر وسیم اور ان کے اہلخانہ کے غم میں برابر کے شریک ہیں۔ سپیکر قومی اسمبلی نے دعا کی کہ اللہ تعالیٰ مرحومہ کو اپنی جوار رحمت میں جگہ اور پسماندگان کو صبرِ جمیل عطا فرمائے۔

Short Link: https://urdu.app.com.pk/urdu/?p=583758