سیالکوٹ۔27فروری (اے پی پی):محکمہ زراعت (توسیع)سیالکوٹ کے ترجمان نے کاشتکاروں کو گاجرکی برداشت سے 2ہفتے قبل آبپاشی بندکرنے کی ہدایت کی ہے اورکہاہے کہ کاشتکار گاجرکی برداشت میں احتیاط سے کام لیں ۔ گاجرکی موٹائی جب تین سے چار سینٹی میٹرتک ہوجائے تو اسے برداشت کرنے میں تاخیرنہ کریں۔انہوں نے”اے پی پی“ کو بتایاکہ بروقت گاجرکی برداشت سے اس میں مٹھاس زیادہ بڑھ جاتی ہے لیکن اگر برداشت کے وقت اسے پانی دیاجاتارہے تو اس کی مٹھاس میں مسلسل کمی واقع ہوتی رہتی ہے۔
انہوں نے بتایا کہ زمین کے وترحالت میں ہونے سے گاجروں کی برداشت میں بھی مشکل کا سامناکرناپڑسکتاہے۔انہوں نے بتایا کہ گاجرکا بیج تیار کرنے کیلئے گاجر کے ڈک کی منتقلی ایک دوروز میں مکمل کی جاسکتی ہے نیز ایک ایکڑ گاجر کی فصل سے تین ایکڑ بیج کی فصل کے ڈک حاصل کئے جاسکتے ہیں۔انہوں نے بتایا کہ گاجرکا استعمال انسانی صحت کیلئے انتہائی اہمیت کا حامل ہے۔انہوں نے بتایا کہ کاشتکار مزیدرہنمائی کیلئے ماہرین زراعت کی خدمات سے بھی استفادہ کرسکتے ہیں۔
Short Link: https://urdu.app.com.pk/urdu/?p=567031
