لاہور۔17مارچ (اے پی پی):صدر مسلم لیگ ن محمد نواز شریف سے معروف مذہبی سکالر ڈاکٹر ذاکر نائیک نے جاتی امرا میں ملاقات کی ، مختصر ملاقات کے بعد ڈاکٹر ذاکر نائیک جاتی امرا سے واپس روانہ ہو گئے ۔ معروف مذہبی سکالر ڈاکٹر ذاکر نائیک مسلم لیگ (ن) کے قائد نواز شریف کی دعوت پر جاتی امرا پہنچے جہاں ان کی نواز شریف سے خصوصی ملاقات ہوئی۔
ترجمان مسلم لیگ ن کے مطابق ملاقات میں دینی موضوعات، بین المذاہب ہم آہنگی اور مسلم امہ کو درپیش چیلنجز پر تبادلہ خیال کیا گیا۔ نواز شریف نے ڈاکٹر ذاکر نائیک کی عالمی سطح پر دینی خدمات کو سراہتے ہوئے کہا کہ وہ اسلام کی تبلیغ اور تفہیم میں نمایاں کردار ادا کر رہے ہیں۔ ڈاکٹر ذاکر نائیک مختصر قیام کے بعد جاتی امرا سے واپس روانہ ہوگئے جبکہ ان کی آمد اور ملاقات کو سیاسی و مذہبی حلقوں میں خاصی اہمیت دی جا رہی ہے۔
Short Link: https://urdu.app.com.pk/urdu/?p=573635
