حکومت عوام کو صحت عامہ سہولیات کی فراہمی کیلئے ٹھوس اقدامات اٹھا رہی ہے
صدر مملکت ممنون حسین کی پارلیمانی سیکرٹری ڈاکٹر درشن پونچی سے ملاقات میں گفتگو
اسلام آباد ۔ 18 مئی (اے پی پی) صدر مملکت ممنون حسین نے کہا ہے کہ حکومت ملک بھر کے عوام کو صحت عامہ سہولیات کی فراہمی کیلئے ٹھوس اقدامات اٹھا رہی ہے۔ انہوں نے یہ بات پارلیمانی سیکرٹری نیشنل ہیلتھ سروسز، ریگولیشنز اینڈ کوآرڈینیشن ڈاکٹر درشن پونچی سے بدھ کو ایوان صدر میں گفتگو کرتے ہوئے کہی۔ صدر ممنون حسین نے کہا کہ حکومت کی طرف سے عوام کو صحت عامہ کی سہولیات کی فراہمی کے ضمن میں کئی نمایاں اقدامات اٹھائے گئے ہیں۔ انہوں نے عوام کو سستی اور معیاری صحت کی سہولیات تک آسان رسائی کی اہمیت پر زور دیتے ہوئے کہا کہ صحت مند انسانی وسائل کی ترقی قوم کی ترقی و خوشحالی کی کلید ہوتی ہے۔
