غیر ملکی باشندے انخلاء مہم،پنجاب بھر سے افغانیوں سمیت12 ہزار سے زائدغیر قانونی مقیم باشندے ڈی پورٹ

لاہور۔1مئی (اے پی پی):پنجاب بھر سے غیر قانونی مقیم غیر ملکی باشندوں کے انخلاء کی مہم جاری ہے،اس ضمن میں پنجاب بھر سے افغانیوں سمیت12 ہزار 945 غیر قانونی مقیم باشندے ڈی پورٹ کردیئے گئے ۔

ترجمان پنجاب پولیس کے مطابق انخلاء مہم کے دوران 13 ہزار سے زائد غیر قانونی مقیم باشندوں کو ہولڈنگ سنٹرز پہنچایا گیا،99 غیر قانونی مقیم افراد ہولڈنگ پوائنٹس پر موجود ہیں، لاہور میں 05 اور صوبہ بھر میں 46 ہولڈنگ سنٹرز قائم ہیں۔

اس حوالے سے آئی جی پنجاب نے کہا ہے کہ سکیورٹی ہائی الرٹ اور تمام غیر قانونی مقیم افراد کا انخلا یقینی بنا رہے ہیں۔انہوں نے کہا کہ بین الاقوامی قوانین کے تحت غیر قانونی مقیم باشندوں کے انخلا کی پالیسی پر عمل پیرا اوراس دوران انسانی حقوق کو مکمل طور پر مدنظر رکھا جا رہا ہے۔

Short Link: https://urdu.app.com.pk/urdu/?p=590921