فارن ایجنٹ چورملکی تاریخ کابدترین اورناکام ترین تجربہ تھاجس نےترقی کرتےخوشحال ملک کواندھیروں میں دھکیلا،استعفیٰ دیں خطوں کابہانہ کیوں بنارہےہیں؟پنجاب اورخیبرپختونخوامیں الیکشن کرائیں،کیاتکلیف ہے؟مریم اورنگزیب

اسلام آباد۔28دسمبر (اے پی پی):وفاقی وزیر اطلاعات و نشریات مریم اورنگزیب نے کہا ہے کہ فارن ایجنٹ چور ملکی تاریخ کا بدترین اور ناکام ترین تجربہ تھا جس نے ترقی کرتے خوشحال ملک کو اندھیروں میں دھکیلا، سیاسی بے روزگاروں، نالائقوں اور فارن ایجنٹس کی سلیکٹڈ حکومت 2018ءسے 2022ءاپریل تک مسلط رہی، امپورٹڈ ٹولے اور فارن ایجنٹ کو پارلیمان سے اٹھا کر باہر پھینک دیا ہے، استعفیٰ دیں خطوں کا بہانہ کیوں بنا رہے ہیں؟ پنجاب اور خیبر پختونخوا میں الیکشن کرائیں، کیا تکلیف ہے؟

بدھ کو پی ٹی آئی چیئرمین عمران خان کے بیان پر ردعمل میں وفاقی وزیر اطلاعات نے کہا کہ فارن ایجنٹ نے ملک میں تاریخی مہنگائی اور بے روزگاری کی، ملک کے مفادات بیچے، کشمیر کا سواد کیا، اداروں کی تضحیک کی، شہدا کے خلاف غلیظ مہم چلائی، آج عوام کو لگا ہر زخم فارن ایجنٹ کی دین ہے۔ انہوں نے کہا کہ آج عوام کی ہر تکلیف کی وجہ فارن ایجنٹ ہے، فارن ایجنٹ جن پر الزام لگا رہا ہے وہ 6.3 فیصد پر ترقی کرتا ملک چھوڑ کر گئے تھے۔

Short Link: https://urdu.app.com.pk/urdu/?p=343835