فیصل آباد ۔ 04 اگست (اے پی پی):ماہرین زراعت نے باغبانوں کو موتیا کے پھول کی بہتر پیداوار حاصل کرنے کیلئے بروقت آبپاشی کی ہدایت کی ہے۔ انہوں نے اے پی پی سے گفتگو کرتے ہوئے کہا کہ چونکہ موتیاکو پھولوں میں نہایت اہم مقام حاصل ہے اور یہ ایک سدا بہار جھاڑی نما پودے پر نشونما پاتاہے لہٰذا اگر اسے پانی کی مناسب مقدار فراہم کی جائے تو اس کی بڑھوتری بہتر ہو سکتی ہے اور مناسب آبپاشی سے اس کے پھول کا سائز دو گنا ہو سکتاہے۔
انہوں نے کہا کہ پاکستان میں ہر سال وسیع پیمانے پر موتیاکے پھولوں سے تیل نکال کر اسے عطریات بنانے کیلئے استعمال کیاجاتاہے۔ انہوں نے کہاکہ موتیاکو کاشت کے بعد ابتدائی مراحل میں بڑھوتری کے لیے پانی کی کافی مقدار کی ضرورت ہوتی ہے اس لیے موسم گرما کی شدت کے باعث اسے پانی کی کمی نہیں آنے دینی چاہیے۔
انہوں نے کہاکہ آبپاشی کے وقت اگر کھادوں کا متوازن و متناسب استعمال کیاجائے تو موتیاکی مزید بہتر پیداوار کا حصول بھی ممکن ہو سکتاہے۔
Short Link: https://urdu.app.com.pk/urdu/?p=377947
