قومی خواتین کرکٹ ٹیم آئندہ ماہ انگلینڈ کا دورہ کرے گی

اسلام آباد ۔ 19 مئی (اے پی پی) قومی خواتین کرکٹ ٹیم جون میں انگلینڈ کا دورہ کرے گی جہاں وہ میزبان ٹیم کے خلاف تین ون ڈے اور تین ٹی 20 میچوں کی سیریز کھیلے گی۔ دونوں ٹیموں کے مابین ون ڈے سیریز کا پہلا میچ 20 جون کو لیسٹر، دوسرا 22 جون کو ووسٹر اور تیسرا ون ڈے 27 جون کو ٹونٹن میں کھیلا جائے گا۔ اسی طرح تین ٹی 20 میچوں کی سیریز کا پہلا میچ 3 جولائی کو برسٹول، دوسرا 5 جولائی کو ساﺅتھمپٹن اور تیسرا 7 جولائی کو چیمسفورڈ میں کھیلا جائے گا۔