لاہور۔15اپریل (اے پی پی):آئی جی پنجاب ڈاکٹر عثمان انور نے کہا ہے کہ لاہور میں 05، صوبہ بھر میں 46 ہولڈنگ سنٹرز قائم ہیں، لاہور سمیت صوبہ بھر سے اب تک 10078 غیر قانونی مقیم افراد ڈی پورٹ کروائے جا چکے ہیں۔منگل کو جاری بیان میں انہوں نے کہا کہ غیر قانونی مقیم غیر ملکی باشندوں کی انخلا مہم کے دوران 10738 سے زائد غیر قانونی مقیم باشندوں کو ہولڈنگ سنٹرز پہنچایا گیا ہے، 660 غیر قانونی مقیم افراد ہولڈنگ پوائنٹس پر موجود ہیں۔
ڈاکٹر عثمان انور نے کہا ہے کہ دیگر ممالک کی طرح انٹرنیشنل قوانین کے تحت ڈی پورٹیشن پالیسی پر عمل پیرا ہیں، وفاقی حکومت، حساس ادارے غیر قانونی مقیم باشندوں کی ڈی پورٹیشن مہم کی مانیٹرنگ کر رہے ہیں،تمام غیر قانونی مقیم شہریوں کا انخلا یقینی بنا رہے ہیں، سکیورٹی ہائی الرٹ ہے، انخلا کے عمل کے دوران ہیومن رائٹس کو مکمل طور پر مدنظر رکھا جا رہا ہے۔
آئی جی پنجاب نے کہا کہ سی سی پی او لاہور، آر پی اوز، ڈی پی اوز غیر قانونی مقیم غیر ملکی تارکین کے انخلا کے عمل میں تیزی لائیں، سپیشل برانچ، سی ٹی ڈی، سکیورٹی اداروں، انٹیلی جنس بیسڈ انفارمیشن کے ذریعے غیر قانونی مقیم غیر ملکیوں کی نشاندہی کی جا رہی ہے۔
Short Link: https://urdu.app.com.pk/urdu/?p=582134
