لاہور۔23اپریل (اے پی پی):لاہور سمیت صوبہ بھر سے 11 ہزار 892 غیر قانونی مقیم غیر ملکی باشندے ڈی پورٹ کر دیئے گئے۔آئی جی پنجاب پولیس ڈاکٹر عثمان انور کے مطابق مہم کے دوران 12 ہزار 274 غیر قانونی مقیم باشندوں کو ہولڈنگ سنٹرز پہنچایا گیا، 382 غیر قانونی مقیم افراد ہولڈنگ پوائنٹس پر موجود ہیں، لاہور میں 05، صوبہ بھر میں 46 ہولڈنگ سنٹرز قائم ہیں۔
بدھ کو جاری بیان میں آئی جی پنجاب ڈاکٹر عثمان انور نے کہا ہے کہ بین الاقوامی قوانین کے تحت غیر قانونی مقیم باشندوں کے انخلا کی پالیسی پر عمل پیرا ہیں،سکیورٹی ہائی الرٹ ہے، تمام غیر قانونی مقیم افراد کا انخلا یقینی بنا رہے ہیں،انخلا کے عمل کے دوران انسانی حقوق کو مکمل طور پر مدنظر رکھا جا رہا ہے۔
انہوں نے کہا سی سی پی او لاہور، آر پی اوز، ڈی پی اوز غیر قانونی مقیم غیر ملکی تارکین کے انخلا کے عمل میں تیزی لائیں۔
Short Link: https://urdu.app.com.pk/urdu/?p=586220
