لاہور۔24جنوری (اے پی پی):محکمہ موسمیات نے پیش گوئی کی ہے کہ آئندہ چوبیس گھنٹوں کے دوران صوبائی دارالحکومت سمیت پنجاب کے بیشتر شہروں میں شدید سردی کی لہربرقرار جبکہ د ھند اور سموگ کے باعث دن کے اوقات میں درجہ حرارت معمول سے کم رہنے کا امکان ہے،شہر یوں کو غیر ضروری سفر سے اجتناب اور محتاط ڈرائیونگ کی ہدایت کردی گئی۔ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے اکثر علاقوں میں موسم شدید سرد وخشک اور دھند چھائی رہی جس سے حد نگاہ انتہائی کم ہو گئی۔
ترجمان کے مطابق آئندہ چوبیس گھنٹوں کے دوران صبح اور رات کے اوقات میں لاہور، سیالکوٹ،گوجرانوالہ،نارووال، نارنگ منڈی ، بدوملہی ،سرگودھا، اوکاڑہ،فیصل آباد، ٹوبہ ٹیک سنگھ،جھنگ،خانیوال ،ملتان ، بہا ولپور ، ڈیرہ غا زی خان اور گر دو نواح میں شدید دھند اور سموگ چھائے رہنے کا ا مکان ہے ۔
ترجمان کے مطابق لاہور میں کم سے کم درجہ حرارت 07 جبکہ زیادہ سے زیادہ 10سینٹی گریڈ ریکارڈ کیا گیا،ہوا میں نمی کا تناسب 91 فیصد رہا،لا ہور میں آلودگی کی مجموعی شرح 197 رہی،اسی طرح شہر کے دیگر علاقوں پو لو گراونڈ میں 238،یو ایس قونصلیٹ293،سی ای آر پی آفس208،زکی فارمز 278، فیز ایٹ ایوی گرین 325 ، فیز ایٹ ڈی ایچ اے 311، فدا حسین ہائوس 235، سید مراتب علی روڈ210 ، شاہراہ قائد اعظم 211 اور پاکستان انجینئرنگ سروسزمیں 220 ریکارڈ کیا گیا۔محکمہ موسمیات کے مطابق آئندہ 24 گھنٹوں کے دوران بارش کا کوئی امکان نہیں۔
