لاہور۔11دسمبر (اے پی پی):لاہور الیکٹرک سپلائی کمپنی کے چیف ایگزیکٹو انجینئر شاہد حیدر کی ہدایت پرڈائریکٹر کسٹمرسروسز رائے محمد اصغر کی زیرِنگرانی نادہندگان کے خلاف مہم جاری ہے، اس سلسلے میں چیف انجینئرز تحصیل داروں کی معاونت سے ریکوری کو بہتر کر رہے ہیں۔لیسکو ترجمان کے مطابق مہم کے88 ویں روز317 نا دہندگان سے 53لاکھ روپے سے زائد کی وصولی کرلی گئی ہے۔
چیف انجینئراو اینڈ ایم (ٹی اینڈ جی) ظفر ا قبال نے تحصیلدار سٹی مجاہد ضیا اور تحصیلدار شالیمار نوریز ہمایوں کی معاونت سے ناردرن سرکل میں 60نادہندگان سے0.91 ملین اور ایسٹرن سرکل میں 52 نادہندگان سے1.59 ملین کی ریکوری کی۔ دوسری جانب منیجر میٹریل ڈسپوزل انجینئر انور وٹونے تحصیلدارماڈل ٹاؤن رانا ارسال اور تحصیلدارکینٹ سجاد قریشی کے ساتھ مل کر سینٹرل سرکل میں 40نادہندگان سے0.75 ملین کی ریکوری کی۔
منیجر ٹیکنیکل انجینئر محمد فاروق نے تحصیلدار ننکانہ محمد اقبال رشید اور تحصیلدار شیخوپورہ محمد اسلم گجر کی معاونت کے ساتھ ننکا نہ سرکل میں 22 نادہندگان سے0.28 ملین اور شیخوپورہ سرکل میں 56 نادہندگان سے0.82 ملین کی ریکوری کی۔ منیجر ای اینڈ ایس (پی ایم یو) انجینئر عباس علی نے نائب تحصیلدار قصور اور اوکاڑہ مرزا زاہدبیگ کی معاونت سے اوکاڑہ سرکل میں 79نادہندگان سے0.79 ملین جبکہ قصور سرکل میں 6 نادہندگان سے0.16ملین کی ریکوری کی گئی۔ 88روز سے جاری مہم کے دوران51052ڈیفالٹرز سے1ارب57 کروڑ روپے سے زائد کی ریکوری کر لی گئی۔
ترجمان کے مطابق ناردرن سرکل میں 6581 نادہندگان سے198.44 ملین روپے، ایسٹرن سرکل میں 6604 نادہندگان سے382.28ملین کی ریکوری کی گئی۔ سینٹرل سرکل میں 6075نا دہندگان سے210.85 ملین اور ساؤتھ سرکل میں 2659نا دہندگان سے82.05 ملین کی ریکوری کی گئی۔ ننکانہ سرکل میں 4723 نادہندگان سے112.79 ملین اور شیخوپورہ سرکل میں 5894 نادہندگان سے238.58 ملین کی ریکوری کی گئی، اوکاڑہ سرکل میں 7960 نادہندگان سے100.11 ملین جبکہ قصور سرکل میں 10556 نا دہندگان سے245.11 ملین کی ریکوری کی گئی۔چیف ایگزیکٹو لیسکو کا کہنا تھا کہ نا دہندگان کے باعث ادارے کو نقصان کا سامنا ہے، ان کے خلاف کارروائیوں کا سلسلہ جاری رہے گا۔
Short Link: https://urdu.app.com.pk/urdu/?p=418877
