مارسیلو گونزالز اور میٹ پاویک، انڈین ویلز اوپن ٹینس مینزڈبلزسیمی فائنل میں پہنچ گئے

کیلیفورنیا۔13مارچ (اے پی پی):ایل سلواڈورکے نامور ٹینس سٹارمارسیلو گونزالز اور ان کے کروشین جوڑی دار میٹ پاویک پر مشتمل ٹاپ سیڈڈ جوڑی اپنی پیش قدمی کو جاری رکھتے ہوئے انڈین ویلز اوپن ٹینس ٹورنامنٹ میں مردوں کے ڈبلز مقابلوں کے سیمی فائنل رائونڈ میں پہنچ گئی ۔ ٹاپ سیڈڈ مارسیلو گونزالز اور ان کے جوڑی دار میٹ پاویک نے مردوں کے ڈبلز مقابلوں کےکوارٹر فائنل رائونڈ میچ میں اٹلی کے ٹینس کھلاڑی میٹیو بیریٹینی اور ان کے ہم وطن جوڑی دار لورینزو سونیگوپر مشتمل اطالوی جوڑی کو شکست دے کر سیمی فائنل رائونڈ کے لئے کوالیفائی کیا ۔

اے ٹی پی کے زیراہتمام انڈین ویلز اوپن ٹینس ٹورنامنٹ کے دلچسپ اور سنسنی خیز مقابلے امریکا کی ریاست کیلیفورنیا میں جاری ہیں۔جمعرات کو مردوں کے ڈبلز مقابلوں کے کوارٹر فائنل میچ میں ایل سلواڈورکے نامور ٹینس سٹارمارسیلو گونزالز اور ان کے کروشین جوڑی دار میٹ پاویک پر مشتمل ٹاپ سیڈڈ جوڑی نے شاندار کارکردگی کا مظاہرہ کرتے ہوئے اٹلی کے ٹینس کھلاڑی میٹیو بیریٹینی اور ان کے ہم وطن جوڑی دار لورینزو سونیگوپر مشتمل اطالوی جوڑی کو ٹائی بریک پر سٹریٹ سیٹس میں 6-7(6-8)اور 4-6سے شکست دے کر نہ صرف ایونٹ سے باہرکر دیا بلکہ سیمی فائنل رائونڈ کے لئے بھی کوالیفائی کرلیا۔

Short Link: https://urdu.app.com.pk/urdu/?p=571965