محکمہ تحفظ ماحول پنجاب نے ایئر کوالٹی انڈیکس جاری کر دیا، ترجمان

لاہور۔30اگست (اے پی پی):محکمہ تحفظ ماحول پنجاب نے24 گھنٹوں کے دوران ریکارڈ کئے گئے ایئر کوالٹی انڈیکس کے اعدادوشمار جاری کر دیئے۔

محکمے کے ترجمان نے بدھ کو بتایا کہ لاہور کے ٹائون ہال میں ایئر کوالٹی انڈیکس 96 اور پنجاب یونیورسٹی نیو کیمپس میں 110 ریکارڈ کیا گیا، راولپنڈی کے شالے ویلی رینج روڈ پر ایئر کوالٹی انڈیکس 77 ، گجرات کے علاقے شادمان کالونی میں 68 اور شیخوپورہ کے فیصل آباد بائی پاس روڈ پر 67 رہا۔ واضح رہے کہ ایئر کوالٹی انڈیکس کی رینج صفر سے 500 تک ہے، 50 سے کم کو اچھا جبکہ 300 سے زائد کو صحت کے لیے خطرناک قرار دیا گیا ہے۔

Short Link: https://urdu.app.com.pk/urdu/?p=384228