لاہور۔12جنوری (اے پی پی):محکمہ زراعت پنجاب نے آم کی گدھیڑی کے تدارک کیلئے سفارشات جاری کر دیں۔ اتوار کو ترجمان محکمہ زراعت کے مطابق آم کی گدھیڑی کے انڈوں سے بچے نکلنے کا عمل شروع ہو چکا ہے ،اس لئے انڈوں اور ان سے نکلنے والے بچوں کی تلفی کے لئے آم کے پودوں کے گرد گوڈی اور جڑی بوٹیاں تلف کریں، تنے کے گرد زمین کھود کر کلور پائیریفاس 40 ای سی (Chlorpyrifos) 10ملی لٹر فی لٹر پانی میں ملا کر ڈالیں تاکہ بچے انڈوں سے نکلتے ہی زہر کے اثر سے مرجائیں۔
اسی طرح آم کے پودوں کے تنوں پر زمین سے 2 تا 3 فٹ اوپر 1 فٹ چوڑا پلاسٹک شیٹ کا بند اور اس کے درمیان 1 انچ اچھی کوالٹی کی گریس کا رکاوٹی بند لگائیں تاکہ گدھیڑی کے بچے اوپر نہ چڑھ سکیں،گدھیڑی کے بچے نمودار ہونے پر بند کے نیچے میلا تھیان 57 ای سی (Malathion) 5 ملی لٹر فی لٹر یا سپائروٹیٹرا میٹ (Spirotetramat) 1.5 ملی لٹر فی لٹر پانی میں ملا کر محکمہ زراعت پنجاب کے مقامی زرعی ماہرین کے مشودہ سے ہفتے میں دو بار سپرے کریں۔ترجمان کے مطابق سپرے کا عمل15 جنوری تک یا حسب ضرورت جاری رکھیں اور ایک ہی زہر کا بار بار استعمال نہ کریں۔
Short Link: https://urdu.app.com.pk/urdu/?p=545263
