فیصل آباد ۔ 13 جولائی (اے پی پی):محکمہ زراعت پنجاب نے کاشتکاروں کو مکئی کی فصل سے جڑی بوٹیاں فوری تلف کرنےاور بارشی پانی کے فوری نکاس کامشورہ دیا ہے اور کہاہے کہ کاشتکار اس ضمن میں کسی غفلت کا مظاہرہ نہ کریں ۔
ڈپٹی ڈائریکٹرمحکمہ زراعت توسیع فیصل آبادچودھری خالد محمود نے کہا کہ اس مرتبہ مکئی کی شاندار فصل حاصل ہونے کا امکان ہے تاہم جڑی بوٹیوں کی ابتدائی مرحلے میں تلفی اشد ضروری ہے،کیونکہ جڑی بوٹیاں 25 سے 50 فیصد تک پیداوار کم کرنے کا باعث بن سکتی ہیں، اگر مکئی کی فصل پر کسی بیماری یا کیڑے مکوڑے کا حملہ نظر آئے تو فوری طور پر ماہرین زراعت یا محکمہ زراعت کے فیلڈ سٹاف کی مشاورت سے مناسب زہروں کا سپرے یقینی بنائیں۔
انہوں نےمزید کہاکہ برسات کے موسم میں مکئی کی فصل سے بارشی پانی کے فوری نکاس کا بھی بندوبست کیاجائے کیونکہ پانی زیادہ دیر کھیت میں کھڑا رہنے سے فصل متاثر ہونے کا خدشہ ہے۔
Short Link: https://urdu.app.com.pk/urdu/?p=374039
