34.3 C
Islamabad
اتوار, اپریل 20, 2025
ہومزرعی خبریںمحکمہ زراعت کی کاشتکاروں کو سٹور کرنے سے پہلے گندم کا بیج...

محکمہ زراعت کی کاشتکاروں کو سٹور کرنے سے پہلے گندم کا بیج سیڈ گریڈر سے صاف کروانے کی ہدایت

- Advertisement -

فیصل آباد۔ 17 اپریل (اے پی پی):محکمہ زراعت نے گندم کے کاشتکاروں کو ہدائت کی ہے کہ وہ اچھی طرح پک کر تیار اوردانہ خشک ہونے کے بعد گندم کا بیج سٹور کرنے سے قبل اسے سیڈ گریڈر سے ذریعے صاف کروا لیں تاکہ اسے ہر قسم کی آلائشوں اور نقصانات سے محفوظ رکھا جا سکے۔ڈائریکٹر محکمہ زراعت توسیع فیصل آباد چوہدری خالد محمودنے کہا کہ بیج کیلئے جس کھیت کا انتخاب کیا جائے اسے ہر قسم کی جڑی بوٹیوں سے پاک ہونا چاہیے نیز بیج کیلئے رکھی گئی فصل کی کٹائی اور گہائی کے بعد اسے دوسری گندم سے بھی الگ ذخیرہ کیا جائے۔

انہوں نے کہا کہ کانگیاری او ر ا کھیڑا جیسی بیماریوں سے محفوظ صحت مند بیج بہتر فصل کا ضامن ہو سکتا ہے۔ انہوں نے گندم کا بیج محفوظ کرتے وقت اس پر گندم کی قسم کا نام بھی واضح طور پر درج کرنے کی ہدائت کی ہے۔ انہوں نے کہا کہ گندم کا بیج الگ رکھنے کیلئے تھریشننگ سے قبل تھریشر یا کمبائن ہارویسٹر کو بھی اچھی طرح صاف کر لیا جائے تاکہ بیج میں کسی قسم کی نمی یا دیگر اجزا شامل نہ ہو سکیں۔

- Advertisement -

انہوں نے کہا کہ کاشکار اس سلسلہ میں مزید معلومات، مشاورت و رہنمائی کیلئے ماہرین زراعت کے ساتھ ساتھ محکمہ زراعت کی فری ہیلپ لائن پر بھی صبح 8سے رات8بجے تک مفت کال کر کے معلومات و رہنمائی اور مشاورت حاصل کر سکتے ہیں۔

 

Short Link: https://urdu.app.com.pk/urdu/?p=583314

- Advertisement -
متعلقہ خبریں
- Advertisment -

مقبول خبریں