مشترکہ پارلیمان سے صدر آصف علی زرداری کا خطاب تاریخی تھا،جمہوری اقدار، جامع ترقی اور متوازن خارجہ پالیسی پر زور دیا گیا، شازیہ مری

اسلام آباد۔10مارچ (اے پی پی):پاکستان پیپلز پارٹی کی سیکرٹری اطلاعات اور رکن قومی اسمبلی شازیہ مری نے کہا ہے کہ مشترکہ پارلیمان سے صدر آصف علی زرداری کا خطاب تاریخی تھا،تقریر میں جمہوری اقدار، جامع ترقی اور متوازن خارجہ پالیسی پر زور دیا گیا۔

اجلاس میں پی ٹی آئی نے غیر پارلیمانی رویہ اختیار کیا۔ پیر کو صدر مملکت آصف علی زرداری کے پارلیمنٹ کے مشترکہ اجلاس سے خطاب پر ردعمل ظاہر کرتے ہوئے انہوں نے کہا کہ صدر پاکستان کی تقریر معاشی بحالی، سیاسی استحکام، علاقائی مساوات اور سکیورٹی میں بہتری کے جامع وژن پر مبنی تھی، صدر مملکت نے اپنی تقریر میں قومی یکجہتی اور مل کر کام کرنے پر زور دیا، خطاب میں حکومت کو مشاورتی طرزِ حکمرانی اپنانے کی تلقین کی تاکہ تمام فریقین کی رائے شامل ہو۔

انہوں نے کہا کہ صدر نے اپنی تقریر میں جمہوری اقدار، جامع ترقی اور متوازن خارجہ پالیسی پر زور دیا گیا،صدر نے پارلیمنٹ پر زور دیا کہ وہ ذاتی اور سیاسی اختلافات سے بالاتر ہو کر قومی مفادات کو ترجیح دے۔انہوں نے کہا کہ صدر نے تنخواہ دار طبقے پر ٹیکس کم کرنے، تنخواہوں میں اضافہ کرنے اور توانائی کے اخراجات کم کرنے کے مطالبہ کیا، صدر مملکت نے گلگت بلتستان اور بلوچستان کو خصوصی توجہ دینے انہیں قومی ترقی میں موثر طور پر شامل کرنے کی ہدایت کی۔

شازیہ مری نے کہا کہ صدر نے پارلیمان کے مشترکہ اجلاس میں دہشت گردی کے خلاف جنگ میں سکیورٹی فورسز کی قربانیوں کو سراہا،صدر مملکت نے دہشت گردی کے خاتمے کے عزم کا اعادہ کیا۔ انہوں نے کہا کہ صدر مملکت نے تمام اداروں، صوبوں اور سیاسی جماعتوں کے درمیان تعاون کو ضروری قرار دیتے ہیں۔اجلاس میں پی ٹی آئی نے غیر پارلیمانی رویہ اختیار کیا،ایسا لگتا ہے کہ پی ٹی آئی کو ملک اور اس کے مسائل سے کوئی سروکار ہی نہیں،ان لوگوں کا ون پوائنٹ ایجنڈا ہے انتشار پھیلائو اور قوم کو تقسیم کروہے۔

Short Link: https://urdu.app.com.pk/urdu/?p=570856